Fottur til Batalden. Foto.

Som tidligare år tilbyr vi fotturar i øyane med havrafting som transport til og fra.

Dette passer fint for deg som har lyst på ein tur saman med andre, og med ulike turmål har vi noko som passar for dei fleste. Våre turguidar tek deg med på ein flott tur i vestlandsk natur! Kvar vil du gå?

Havrafting med fottur på Alden

Alden er ei øy i Askvoll kommune som ligg mellom Atløyna/Tvibyrge og Værlandet. Fjellet Norskehesten gjer øya lett gjenkjenneleg frå lang avstand. På denne turen vinn ein fort høgdemeter, og toppen 460 m.o.h. byr på ei fantastisk utsikt over store delar av ytre Sogn og Sunnfjord. Transport til og frå er med RIB, noko som gjer naturopplevinga ekstra frisk. Turen tek ca. 2,5 time + 1 time med båt t/r.

Ta med kle i henhold til været som er meldt; fjellsko, niste og drikke.

Vanskelegheitsgrad: Medium
Aldersgrense: 14 år

Havrafting med fottur på Hornelen

Kvifor ikkje ta deg ein båttur og fjelltur på same dag? Med denne turen tek RIB-en deg fram til Hunskår, startpunktet for fjellturen opp til høgaste fjellklippa i Nord-Europa. På toppen er du 860 meter over havet, før turen går ned att og båten tek deg tilbake til Florø kun ein meter over havflata i 50 knop! Ein av våre mest populære aktivitetar! Fjellturen tek 7-8 timar + 1 time med båt t/r.

Ta med kle i henhold til været som er meldt; fjellsko, niste og drikke.

Vanskelegsgrad: Medium+
Aldersgrense: 14 år

Eigenerklæringskjema må fyllast ut i forkant av deltaking på all aktivitet. For born under 18 år må skjemaet signerast av foreldre eller føresatte. Du kan laste ned skjemaet under «påmeldingsvilkår»-fana og levere det ferdig signert i sekretariatet i forkant av aktiviteten du skal vere med på. Hugs at alle aktivitetar startar med eit besøk i sekretariatet for registrering.

Vi brukar informasjonskapslar for å gje deg ein enklare brukaropplevelse og til statistikk slik at vi kontinuerleg kan forbedre sidene våre.