AfterSea. Foto.

Våt Moro vert arrangert for åttande året på rad, og det feirar vi med eit fyldig kveldsprogram!

Torsdag opnar vi festivalen med spennande føredrag av Marit Strømøy og Pål Anders Ullevålseter.

Formel 1-båtførar Marit Strømøy om å våge å satse på draumane sine, korleis oppnå måla sine, og om motivasjon. Ho har fokus på det å vere kvinneleg utøvar i eit mannsdominert yrke. Marit er også til stades laurdag kl. 12 og kl. 15 med båten sin for dei som vil sitje på og vere med på ekte F1-båttur. Billettar finn du her.

Pål Anders Ullevålseter har gjennom åra i rally-Dakar mange spennande historier og opplevelsar å dele frå karriera si. Han vil blant anna snakke om korleis nå mål, å ha rett fokus, tru og motivasjon! Han vil også dele erfaringar rundt veldegiheitsarbeid han driv med. Pål Anders vil vere til stades fredag kl. 12 der ein kan få prøve seg på ekte Mesternes Mester-øvelsar – heilt gratis.

Fredagens AfterSea startar med eit brak i det Jostein Nordvik Hauge og Jon Håvard Stømsnes inviterar alle, uavhengig av kunnskapsnivå, til ein leikande partyquiz! Når vinnaren av Eurospar Quiz er tildelt heder, ære og ein verdig premie, entrar bandet -Glimmer- med Jan Kjetil Klubben i spissen, scena. Med låtane alle kan gir dei oss allsang på kaia! -Glimmer- gir oss låtane du elskar og hatar, dei du hadde gløymt, og dei du alltid nynnar med på.

Laurdag må vi sjølvsagt avslutte festivalen med ein verkeleg god fest! Vi held fram med den gode stemninga i verdas beste festival når vi inviterar til ei tropisk natt på dansegolvet i festivalteltet. Førdeguten Ronny Brede Aase, kjend som «The Voice of Norway», har sidan 2009 leia det svært populære radioprogrammet P3morgen. Gjennom åra har han motteke fleire prisar, blant anna årets programleiar og årets radio-DJ. No kjem han til Florø for å servere oss eit forrykande DJ-sett på årets tropenatt som rundar av den 8. utgåva av verdas beste festival.

Dette vil du ikkje gå glipp av!