AfterSea. Foto.

Våt Moro vert arrangert for sjette året på rad, og det feirar vi med eit fyldig kveldsprogram!

Festivalen vert opna torsdag 13. juli av den norske soloartisten ARY som er aktuell med singelen Childhood Dreams! Hennar første singel Higher vart utgjeve av det prestisjetunge plateselskapet Eskimo Recordings i 2015 og vart raskt A-lista på NRK P3. Samarbeidet med den norske produsenten og artisten Carl Louis gav frukter, og deira neste utgiving Telescope gjekk også strake vegen til P3 si A-liste.

Fredagen startar med eit brak idet Jostein Nordvik Hauge og Jon Håvard Stømsnes inviterar alle, uavhengig av kunnskapsnivå, til Eurospar Quiz 2017. Dette vert ein høgdare, då gutane har funne fram det øvste av fagbøker og leksikon for å finne dei beste spørsmåla til deltakarane. Deltakarane skal få bryne seg på fleire utfordringar og tema i denne leikande partyquizen.

Ein god festival bør og må avsluttast med ein virkeleg god fest! Vi held fram med den gode stemninga i verdas beste festival når vi inviterar til ei tropisk natt på dansegolvet i festivalteltet. Den lokale kjernekaren Fredrik Avsnes, også kjend som Le Frsh, gir oss årets tropenatt frå mixebordet!

Prisar

• AfterSea festivalpass (torsdag, fredag og laurdag) – kr 500

AfterSea torsdag • ARY åpnar Våt Moro!
• Inngang u/18 – kr 100
• Inngang o/18 kun Aftersea torsdag – kr 200

AfterSea fredag • Quiz og allsang med Kokken Tor
• Inngang kun Aftersea fredag – kr 200

AfterSea laurdag • Tropenatt med Le Frsh
• Inngang kun Aftersea laurdag – kr 250

Buss frå Førde til Justad-konserten

Onsdag 6. juli sett vi opp buss frå Førde til konserten med Sondre Justad. Dette er eit ekstratilbod i samarbeid med Sogn og Fjordane Fylkeskommune spesielt retta mot ungdom/studentar.
Avreise frå Førde kl. 17.15. Konsert frå kl. 19.00. Retur ca. kl. 21.30 til Førde.

Bussbillett kjøper du på Program og billettar. Kr 100 tur/retur. Må kjøpast på førehand.